ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្ត្រីកម្ពុជា អំពាវនាវពលរដ្ឋសាមគ្គីគ្នាដើម្បីការពារសន្ដិភាពរបស់ជាតិ

  • ចុះផ្សាយថ្ងៃទី២១ ខែកញ្ញា ឆ្នាំ២០២១ ម៉ោង ១៣:៥១ នាទី ដោយ hun sirivadh
  • 605
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន អំពាវដល់ពលរដ្ឋសាមគ្គីគ្នា ការពារសន្ដិភាពដើម្បីសុខដុមរមនា សុខមាលភាពប្រជាជន និងការអភិវឌ្ឍជាតិ។

ក្នុងសារលិខិតអបអរទិវាសន្ដិភាពអន្តរជាតិ សម្ដេចតេជោ ហ៊ុន សែន បានលើកឡើងថា ទម្រាំមានសន្តិសុខ ស្ថិរភាព និងការអភិវឌ្ឍដូចបច្ចុប្បន្ន កម្ពុជាបានឆ្លងកាត់បទពិសោធន៍ និងមេរៀនដ៏ជូរចត់ជាច្រើនរួចមកហើយ។

លើសពីនេះក្នុងពេលដែលពិភពលោកកំពុងប្រឈមនឹងវិបត្តិកូវីដ-១៩ ការប្រជែងរវាងមហាអំណាចពិភពលោក កំពុងគំរាមកំហែងដល់សុខសន្ដិភាព និងស្ថិរភាពទាំងក្នុងតំបន់ និងអន្តរជាតិ ដែលធ្វើឱ្យកម្ពុជា មិនអាចគេចផុតពីការទទួលរងនូវឥទ្ធិពល នៃជម្លោះភូមិសាស្រ្តនយោបាយរវាងមហាអំណាចអស់ទាំងនោះទេ។

ឆ្លៀតក្នុងឱកាសនេះ សម្ដេចតេជោ បានប្រកាសពីការប្ដេជ្ញាចិត្តក្នុងការការពារសន្ដិភាព និងស្ថិរភាពដែលកម្ពុជាកំពុងទទួលបាននេះឱ្យនៅគង់វង្សផងដែរ។

សម្ដេចតេជោបានថ្លែងថា៖ «យើងក៏មិនបានឱ្យប្រទេសអស់ទាំងនោះសងបំណុលសីលធម៌ដែលពួកគេជំពាក់ចំពោះប្រជាជនកម្ពុជាទេ តែយើងគ្រាន់តែប្រើប្រាស់សិទ្ធិអធិបតេយ្យរបស់ខ្លួនជាម្ចាស់ទឹក ម្ចាស់ដី ការពារការរស់រានមានជីវិតឡើងវិញរបស់ប្រជាជនកម្ពុជាការពារសន្ដិភាព ស្ថិរភាព និងការអភិវឌ្ឍជាតិតែប៉ុណ្ណោះ»។

សម្ដេចតេជោ អំពាវនាវដល់ជនរួមជាតិទាំងអស់ រួបរួមសាមគ្គីឯកភាពជាតិជាធ្លុងមួយ រក្សាការពារ សន្ដិភាព ដើម្បីសុខដុមរមនា សុខមាលភាពសម្រាប់បងប្អូនជនរួមជាតិ និងការអភិវឌ្ឍប្រកបដោយចីរភាព។

តាមរយៈនយោបាយ ឈ្នះ-ឈ្នះ របស់សម្ដេចតេជោ ហ៊ុន សែន នៅថ្ងៃទី២៩ ខែធ្នូ ឆ្នាំ១៩៩៨ ដែលស្វាគមន៍ជនជាតិខ្មែរគ្រប់រួបរួម និងកសាងជាតិ។ ប្រទេសកម្ពុជាបានបញ្ចប់សង្គ្រាមទាំងស្រុងដែលនាំមកនូវសន្ដិភាពពេញលេញ និងឯកភាពជាតិទាំងស្រុង ដែលផ្ដល់ឱកាសឱ្យកម្ពុជាមានឱកាសអភិវឌ្ឍន៍ប្រទេសឱ្យរីកចំរើនជាបន្តបន្ទាប់មកដល់សព្វថ្ងៃ។

ក្រៅពីកសាងបានសន្ដិភាពក្នុងប្រទេស សម្ដេចតេជោ ហ៊ុន សែន ក៏ត្រូវបានសហព័ន្ធសន្ដិភាពសកលទទួលស្គាល់ និងផ្ដល់មេដាយមាសសន្ដិភាពពិភពលោកជូន សម្ដេចផងដែរ ក្នុងកិច្ចការដែលសម្ដេចបានដើរតួរយ៉ាងសំខាន់ក្នុងការជួយឱ្យឧបទ្វីបកូរ៉េ និងពិភពលោកមានសន្តិភាព៕


ព័ត៌មានជាច្រើនទៀតសម្រាប់អ្នក